نکاح نامہ میں ختم نبوتؐ کا عہد لیا جائے، گورنر سندھ کا وزیراعلیٰ کو خط

کرا چی(این این آئی)گورنر سندھ کامران ٹیسوری نے نکاح نامہ میں ختم نبوتؐ کا عہد لینے کے لیے وزیر اعلی سندھ مراد علی شاہ کو خط لکھ دیا۔گورنر سندھ کامران ٹیسوری نے خط میں لکھا کہ پنجاب کی طرز پر سندھ میں بھی نکاح نامہ میں ختم نبوتؐ کا عہد لیا جائے، وزیر اعلی اس حوالے سے جلد ضروری قانون سازی کریں، یہ ہمارے ایمان کا لازمی جز ہے۔خیال رہے کہ پنجاب میں نکاح کے وقت دلہا اور دلہن کے لیے ختم نبوتؐ کے حلف نامے پر دستخط کرنا لازمی قرار دے دیا گیا ہے۔