برفباری کا سلسلہ ، سردی کی شدت مزید بڑھ گئی 2 فٹ تک برف پڑنے سے بالائی علاقوں کا رابطہ منقطع

اسلام آباد /استور(این این آئی)استور میں برفباری کا سلسلہ نہ تھما سکا ، علاقے میں اب تک 2 فٹ تک برف پڑچکی ہے جس کے باعث کا بالائی علاقوں سے رابطہ منقطع ہوگیا ہے جبکہ چلاس، دیامر، بابوسر ٹاپ، بٹوگاہ ٹاپ اور نانگا پربت میں وقفے وقفے سے برفباری کا سلسلہ جاری رہا

جس کے بعد سردی کی شدت مزید بڑھ گئی ۔ اطلاعات کے مطابق کاغان سے آگے کے علاقوں میں سیاحوں کا داخلہ بند کردیا گیا ادھر کوہستان میں شاہراہ قراقرم لینڈ سلائیڈنگ کے باعث بند کردی گئی۔اطلاعات کے مطابق ملک کی حسین ترین وادی مالم جبہ میں ہر طرف سفیدی پھیل گئی اور برفباری کا سلسلہ چوتھے روز بھی جاری رہا۔اس کے علاوہ شوگران،کاغان اور ناران میں ڈیڑھ فٹ تک برف پڑچکی جبکہ آزاد کشمیر کی وادی نیلم کے بالائی علاقوں میں شدید برفباری ریکارڈ کی گئی اور مظفر آباد سمیت کئی علاقوں میں بارش نے موسم مزید سرد کردیا ہے۔محکمہ موسمیات کے مطابق کراچی میں یخ بستہ ہواؤں نے سردی کی شدت میں اضافہ کردیا ہے، سردی میں اضافے کے ساتھ ہی شہر میں گیس کی قلت بھی بڑھ گئی ہے، تقریباً 40 فیصد علاقوں میں کھانے کے اوقات میں بھی گیس غائب رہی، شہری ناشتہ، دوپہر اور رات کا کھانا گھر پر بنانے کو ترس گئے۔موسمیاتی تجزیہ کار کے مطابق سرجانی ٹائون میں گزشتہ رات درجہ حرارت 6 اعشاریہ 5 ڈگری سینٹی گریڈ اور کلفٹن میں 13 ڈگری سینٹی گریڈ ریکارڈ ہوا ہے۔موسمیاتی تجزیہ کار نے بتایا کہ جمعہ سے 16 جنوری کے دوران کولڈ ویو کی شدت زائد رہے گی، شہر کے شمالی حصے میں درجہ حرارت 3 سے 5 ڈگری سینٹی گریڈ تک گر سکتا ہے۔وسطی علاقوں میں درجہ حرارت 7 سے 9 ڈگری سینٹی گریڈ تک رہے گا، جنوبی علاقوں میں درجہ حرارت 9 سے 12 ڈگری سینٹی گریڈ تک رہ سکتا ہے۔محکمہ موسمیات کے مطابق آئندہ 24 گھنٹوں کے دوران