اسلامی ریاست میں جہاد کا اعلان حکمران کے علاوہ کوئی نہیں کرسکتا،جید علما نے دہشتگردی کیخلاف فتویٰ جاری کر دیا

پشاور(این این آئی)اسلامی ریاست میں جہاد کا اعلان حکمران کے علاوہ کوئی نہیں کرسکتا، جید علماء نے دہشت گردی کے خلاف فتویٰ جاری کر دیا۔نجی ٹی وی کے مطابق فتویٰ پشاور کے ایک شہری کی جانب سے پوچھے گئے سوالات پر دیا گیا ہے، فتویٰ پر 16جید علما کرام کے دستخط موجود ہیں، علما کرام نے فتوی میں کہا کہ ملک کی حفاظت کی خاطر جانوں کے نذرانے پیش کرنے والے شہید ہیں۔فتویٰ میں واضح کیا گیا کہ مملکت خداداد کی خاطر جن فوجی اہلکاروں اور پولیس کے جوانوں نے جانوں کے نذرانے پیش کئے وہ شہید ہیں، پولیس، عسکری اداروں کے آفیسرز اور جوان ملک کی خاطر اپنا سکھ چین چھوڑ کر حفاظت کر رہے ہیں۔