حکومت پاکستان نے بھی ٹک ٹاک اکاؤنٹ بنا لیا

لاہور(این این آئی)حکومت پاکستان نے بھی سوشل میڈیا پلیٹ فارم ٹک ٹاک پر اپنا اکاؤنٹ بنالیا ہے۔ڈیجیٹل میڈیا کے لیے وزیراعظم شہباز شریف کے فوکل پرسن ابوبکر عمر نے حکومت پاکستان کے نئے بنائے گئے ٹک ٹاک اکاؤنٹ کا لنک https://www.tiktok.com/@govtofpakistan1 شیئر کرتے ہوئے صارفین سے اسے فالو کرنے کی درخواست کی۔سرکاری ٹک ٹاک اکاؤنٹ پر وزیراعظم شہباز شریف کے حالیہ دورہ بلوچستان اورخیبرپختونخوا ہ کی ویڈیوز اپ لوڈ کی گئی ہیں جس میں مولانا فضل الرحمن بھی ان کے ہمراہ تھے۔حکومت پاکستان کے ٹک ٹاک اکاؤنٹ پر شیئر کی گئی ویڈیوز میں جہاں وزیراعظم کو سیلاب متاثرین سے ملاقات کرتے ہوئے دکھایا گیا ہے وہیں ان کی امداد کے لیے کیے گئے مختلف اعلانات کو بھی نمایاں کیا گیا ہے۔