شیخ رشید بھول گئے وہ ہمارے لیڈروں سے پیسے لیا کرتے تھے،چودھری مونس الٰہی کا وفاقی وزیر پر جوابی وار

لاہور (نیوز ڈیسک) پاکستان مسلم لیگ ق کے مرکزی رہنماء اور وفاقی وزیر چودھری مونس الٰہی نے کہا ہےکہ شیخ رشید بھول گئے وہ ہمارے لیڈروں سے پیسے لیا کرتے تھے، میں شیخ رشید کی عزت کرتا ہوں لیکن وہ اسی جماعت کے بزرگوں سے اپنی سٹوڈنٹ لائف میں پیسے لیا کرتے تھے۔ انہوں نے وفاقی وزیر داخلہ شیخ رشید کے بیان پر اپنے ردعمل میں کہا کہ میں شیخ صاحب کی عزت کرتا ہوں لیکن یہ بھول رہے ہیں کہ اسی جماعت کے لیڈران کے بزرگوں سے جناب اپنی سٹوڈنٹ لائف میں پیسے لیا کرتے تھے۔یاد رہے وفاقی وزیر داخلہ شیخ رشید نے کوئٹہ میں میڈیا سے گفتگو کرتے ہوئے کہا

کہ5 سیٹوں والے صوبے کی وزارت اعلیٰ کیلئے بلیک میل کر رہے ہیں، میں بطور اتحادی عمران خان کے ساتھ چٹان کی طرح کھڑا ہوں، ان لوگوں کی طرح نہیں ہوں کہ پانچ پانچ ووٹ ہیں اور وزارت اعلیٰ کے لیے بلیک میل کررہے ہیں، عمران خان بطور وزیراعظم سڑکوں پر آگیا تو اپوزیشن کیلئے زیادہ خطرناک ہوگا۔وزیرداخلہ بے مزید کہا کہ عمران خان کی حکومت نے پہلی بار ای ویزہ کا اجراء کیا، صحت کارڈ کا اجراء جو پسندیدہ کام ہے۔ سیاسی طور کہنا چاہتا ہوں کہ انصارالاسلام نے کل چڑھائی کی، ملیشیا کو اجازت نہیں ہے،کسی ملیشیا کو اسلام آباد میں دخل اندازہ نہیں ہوگی، کل ایف سی اور رینجرز کو بھی احکامات جاری کردیے ہیں، آخری تین دن رینجرز اور ایف سی پارلیمنٹ لاجز کی حفاظت کرے گی، اگر ضرورت پڑی تو آرٹیکل 245 کے تحت حکومت فوج کو بھی طلب کرسکتی ہے، ووٹوں کی خریدوفروخت کا بازار گرم کر رکھا ہے، بلیک میلنگ کررہے ہیں، اپوزیشن ممبران اسمبلی کو کروڑوں روپے بھی لگا دیں ان کو شکست فاش ہوگی ، میں چاہتا ہوں کہ معاملہ خوش اسلوبی سے حل ہوجائے ورنہ ساری زندگی بچھتائیں گے، الیکشن کو ایک سال رہ گیا ہے۔یہ نہ ہودس سال لائن میں لگے رہیں۔

متعلقہ آرٹیکلز

جواب دیں

آپ کا ای میل ایڈریس شائع نہیں کیا جائے گا۔

Back to top button