مہنگی گاڑیاں رکھنے والے فیصل واوڈا ٹیکس نہ دینے والوں میں شامل

اسلام آباد (نیوز ڈیسک) وفاقی وزیر برائے آبی وسائل فیصل واوڈا کا نام بھی ٹیکس نہ دینے والوں کی فہرست میں شامل ہوگیا ، جن کی اکثر نت نئی اور مہنگی گاڑیوں کے ساتھ تصاویر بھی منظر عام پر آچکی ہیں تاہم ایف بی آر کی طرف سے جاری ٹیکس ڈائریکٹری سے پتا چلا کہ انہوں نے سرے سے کوئی ٹیکس دیا ہی نہیں ۔ ایف بی آر کے مطابق وفاقی وزیر برائے آبی وسائل فیصل واوڈا نےکوئی ٹیکس نہیں دیا جب کہ سینیٹر فیصل جاوید اور وزیراعلیٰ پنجاب عثمان بزدار بھی ٹیکس نہ دینے والوں میں شامل ہیں ، اس کے علاوہ وفاقی وزیر برائے مذہبی امور پیر نور الحق قادری، فاٹا سے ن لیگی سینیٹر شمیم

آفریدی اور مسلم لیگ ن کے ہی سینیٹر رانا مقبول احمد نے بھی ٹیکس جمع نہیں کروایا ۔ایف بی آر کے اعداد و شمار کے مطابق ممبر قومی اسمبلی بشیر خان اور ایم این اے محمد ساجد بھی ٹیکس ادا نا کرنے والوں میں شامل ہیں ، رکن قومی اسمبلی شیر علی ارباب نے بھی ٹیکس نہیں دیا جب کہ جمعیت علما اسلام ف کے زاہد اکرم درانی بھی ٹیکس نہ دینے والوں میں شامل ہیں ۔جبکہ بلاول بھٹو زرادری نے 2 لاکھ 94 ہزار 117 روپے ، اپوزیشن لیڈر شہباز شریف نے 97 لاکھ 30 ہزار 545 ، آصف زرادری نے 28 لاکھ 91 ہزار 455 روپے ٹیکس دیا۔حماد اظہر نے 22 ہزار 445 روپے ٹیکس اور ایسوسی ایشن آف پرسن کے تحت 5 کروڑ 94 لاکھ سے زائد ٹیکس دیا جبکہ شاہ محمود قریشی 1 لاکھ 83 ہزار 900 روپے، وزیر اطلاعات شبلی فراز نے 3 لاکھ 67 ہزار 460 روپے، محمد اعظم خان سواتی نے 5 لاکھ 90 ہزار 916 روپے ٹیکس دیا۔چوہدری تنویر احمد خان 32 لاکھ 38 ہزار 733 روپے ، وزیر دفاع پرویز خٹک نے 18 لاکھ 26 ہزار 899 روپے، وزیر منصوبہ بندی اسد عمر نے 53 لاکھ 46 ہزار 342 روپے اور شیخ رشید احمد نے 5 لاکھ 79 ہزار اور 11 روپے ٹیکس دیا۔غلام سرور خان نے 10 لاکھ 46 ہزار 669 روپے ، سابق وزیر صحت سیکریٹری جنرل پی ٹی آئی عامر محمود کیانی نے زیرو ٹیکس دیا ہے جبکہ وزیر مواصلات مراد سعید نے 3 لاکھ 74 ہزار 728 ٹیکس ، وفاقی وزیر آبی وسائل فیصل ووڈا نے 2018 میں زیرو ٹیکس اور وفاقی وزیر میری ٹائم علی زیدی نے 8 لاکھ 96 ہزار 191 روپے اور فواہد چوہدری نے 16 لاکھ 98 ہزار 651 ٹیکس دیا۔رانا ثناء اللہ خان نے 13 لاکھ 88 ہزار 75 روپے ٹیکس،

سابق وزیر اعظم شاہد خاقان عباسی نے سب سے زیادہ 24 کروڑ 13 لاکھ 29 ہزار 362 روپے ٹیکس دیا جبکہ خواجہ رفیق نے 29 لاکھ 49 ہزار 200 روپے ٹیکس ، سابق وزیر دفاعی پیداوار رانا تنویر حسین نے 3 لاکھ 86 ہزار 751 روپے ٹیکس دیا۔پی ایم ایل این کے احسن اقبال نے 3 لاکھ 67 ہزار 100 روپے ، سابق وزیر دفاع خواجہ آصف نے 43 لاکھ 71 ہزار 129 روپے ، چوہدری سالک حسین نے 4 لاکھ 97 ہزار روپے ، مونس اعلیٰ نے 51 لاکھ 68 ہزار 918 روپے اور اسپیکر پنجاب اسمبلی پرویز الہیٰ نے 20 لاکھ 71 ہزار 196 روپے ٹیکس دیا۔حمزہ شہباز نے 87 لاکھ 5 ہزار 368 روپے، سراج الحق نے 2 لاکھ 16 ہزار 800 روپے ٹیکس دیا۔