عدم اعتماد پرکسی حکومتی رکن نے ووٹ دیا تو ان کیساتھ کیا کیا جائے گا، حکومت نے اراکین اسمبلی کو خبردارکردیا

اسلام آباد(نیوز ڈیسک)وزیر اعظم کے مشیر برائے پارلیمانی امور بابر اعوان کا کہنا ہے کہ عدم اعتماد پر ووٹ دینے والے کی اسمبلی رکنیت ختم ہو جائے گی، وزیر اعظم مشیر برائے پارلیمانی امور بابر اعوان نے کہا ہے کہ وزیر اعظم عمران خان کے خلاف اپوزیشن کی تحریک عدم اعتماد پر کسی حکومتی رکن نے ووٹ دیا تو نہ صرف اسے پارٹی سے نکالا جائے گا بلکہ اس کی اسمبلی رکنیت بھی ختم ہو جائے گی۔نجی ٹی وی کے پروگرام میں گفتگو کرتے ہوئے انہوں نے کہا کہ آئین کے آرٹیکل اے کے تحت اگر کوئی رکن اسمبلی بجٹ کی منظوری یا عدم اعتماد کے وقت دوسری پارٹی کے حق میں ووٹ دے تو اس کی رکنیت ختم ہو جاتی ہے۔ انہوں نے کہا کہ اپوزیشن پہلے بھی ناکام

ہو چکی ہے اور اب بھی ناکام ہو گی۔ قاسم سوری کےمعاملے پر اپوزیشن والوں نے مجھ سے کہا فیس سیونگ دیں۔ ہم نے کہا یہ آئینی معاملہ ہے، ایسا اب ممکن نہیں جس پر انہیں تحریک واپس لینا پڑی۔انہوں نے کہا کہ وزیراعظم کے خلاف یہ مہم بغیر کسی شک کے بیرونی طاقتوں کی ایما پر شروع ہوئی۔ وزیراعظم کے مغرب کو اڈوں سےمتعلق انکار پر یہ سلسلہ شروع ہوا۔ مہم اپوزیشن کے وہ لوگ چلا رہےہیں جن کے اثاثے باہر ہیں۔انہوں نے کہا کہ ہم نے سینیٹ ہو یا دویگر معاملات، ہر بار اپوزیشن کو شکست دی ہے۔پی ٹی آئی والے سب متحد ہیں اور اس بار بھی اپوزیشن کو ہرائیں گے۔ جو لوگ عثمان بزدار کو وزیراعلیٰ نہیں دیکھنا چاہتے، وہ ابھی مزید انتظار کریں۔

اپنا تبصرہ بھیجیں