پیٹ کمنز کو دورہ پاکستان کے دوران صبح اٹھ کر اذان ضرور سننی چاہیئے، جیف لاسن کاآسٹریلوی کپتان کو مشورہ

لاہور (نیوز ڈیسک) سابق آسٹریلوی کرکٹر اور پاکستانی کوچ جیف لاسن نے برسبین ٹائمز کے لیے ایک مضمون میں آسٹریلین کرکٹ اور اس کے پاکستان کے دورے کے بارے میں بات کی۔ آسٹریلوی کرکٹ ٹیم 24 سالوں میں پہلی بار پاکستان آئے ہے۔ کرکٹ آسٹریلیا نے پہلے ہی تاریخی دورے کے لیے اپنے مکمل سکواڈ کا اعلان کر دیا ہے۔ ٹیم کی قیادت پیٹ کمنز کریں گے اور ان کے ساتھ ڈیوڈ وارنر، سٹیو سمتھ، مچل سٹارک اور دیگر سپر سٹارز بھی ہوں گے۔پہلا ٹیسٹ 8 مارچ کو راولپنڈی کرکٹ سٹیڈیم میں کھیلا جائے گا۔ سابق آسٹریلوی کرکٹر اور پاکستانی کوچ جیف لاسن نے برسبین ٹائمز کے لیے ایک مضمون

میں آسٹریلیا کی کرکٹ اور اس کے دورہ پاکستان کے بارے میں بات کی۔ سابق کرکٹر نے لکھا کہ وہ ٹیم کی سکیورٹی کے بارے میں فکر مند نہیں ہیں کیونکہ پاکستانی حکام سکیورٹی انتظامات کو سنبھالنے کے لیے پوری تیاری کررہے ہیں ۔جیف لاسن نے لکھا کہ آسٹریلیا کو ممکنہ طور پر تینوں ٹیسٹ میچز میں نیتھن لیون اور مچل سویپسن کی ضرورت ہوگی اور اس کے لیے ٹیم کے انتخاب، میچ کی حکمت عملی، کرکٹ ڈپلومیسی اور مساجد کے اذان کے وقت صبح 5 بجے کے قریب بیدار ہونے کے بارے میں کمنز کی جانب سے بالکل نئے تناظر کی ضرورت ہوگی۔ انہوں نے آسٹریلوی کپتان کو مشورہ دیا کہ وہ جلدی اٹھیں اور اذان سنیں ۔جیف لاسن نے لکھا کہ کمنز کو ایک یا دو بار جلدی جاگنا چاہئے اور اذان کی تعریف کرنی چاہئے، اذان کا لفظی مطلب ہے ’سننا‘،’سننا‘، ’مطلع کیا جانا‘ ۔ یہ تمام طریقوں کو سمجھنے اور پھر بہتری لانے کا ذریعہ ہے۔ پاکستانی لوگوں کی ثقافت کے بارے میں جاننا ان کے پلانز اور ان کی ٹیم اپنے پسندیدہ کھیل کے بارے میں کیسے جاتی ہے ،اس کو سمجھنا ایک اثاثہ ہوگا۔ انہوں نے مزید کہا کہ یہ دورہ صرف کرکٹ میچوں کے بارے میں نہیں ہوگا۔