تمام ٹیمیں 2025 کی چیمپئنز ٹرافی کیلئے پاکستان جائیں گی، چیئرمین آئی سی سی گریگ بارکلے کا اعلان

دبئی (نیوز ڈیسک) انٹرنیشنل کرکٹ کونسل نے کہا ہے کہ امید ہے تمام ٹیمیں 2025 کی چیمپئنز ٹرافی کے لیے پاکستان جائیں گی۔چیئرمین آئی سی سی گریگ بارکلے سے صحافی نے یہ سوال پوچھا کہ کیا آئی سی سی کو یقین ہے کہ 2025 کی چیمپئنز ٹرافی کے لیے ٹیمیں پاکستان کا سفر کریں گی جس پر انہوں نے کہا کہ جی ہاں! بالکل تمام ٹیمیں پاکستان جائیں گی۔گریگ بارکلے نے کہا کہ اگر پاکستان 2025 کی چیمپئنز ٹرافی کی میزبانی کرنے کے قابل نہ ہوتا تو ہم کبھی انہیں

یہ عالمی ایونٹ نہ دیتے پاکستان قابل ہے، اسی وجہ سے ہم نے انہیں یہ سنہرا موقع دیا ہے۔انہوں نے کہا کہ مجھے یقین ہے کہ پاکستان اس عالمی ایونٹ کے لیے تمام تر حفاظتی اقدام کرے گا۔چیئرمین آئی سی سی نے بھارت کے حوالے سے کہا کہ میں صرف امید کرتا ہوں کہ کرکٹ ممالک کے درمیان تعلقات کو بہتر بنانے میں مدد کرنے کے لیے ایک طاقت ثابت ہو سکتی ہے، کھیل قوموں کو ایک دوسرے کے ساتھ لانے میں مدد کرنے کے لیے ایک عظیم چیز ہے۔

اپنا تبصرہ بھیجیں