ایک اور مسافر ٹرین حادثے کا شکارہوگئی، 3 بوگیاں پٹری سے اتر گئیں

جامشورو (نیوز ڈیسک ) سندھ کے ضلع جامشورو میں کوٹری اسٹیشن کے قریب علامہ اقبال ایکسپریس کی 3 بوگیاں پٹری سے اتر گئیں۔ریلوے حکام کے مطابق علامہ اقبال ایکسپریس سیالکوٹ سے کراچی جارہی تھی کہ حادثے کا شکار ہو گئی۔ تاہم اس حادثے میں کوئی نقصان نہیں ہوا۔ریلوے حکام کا کہنا ہے کہ ریسکیو کے لیے عملے کو طلب کیا گیا ہے اور جلد ٹریک بحال کردیا جائے گا۔ریلوے حکام کے مطابق ٹرین کی بوگیاں پٹری سے اترنے کے بعد کراچی کا مین ٹریک مکمل بند ہوگیا ہے اور مسافر ٹرینوں کی روانگی بند کردی گئی ہے۔واضح رہے کہ محکمہ ریلوے کی نا اہلی کے باعث ٹرین حادثات ختم

ہونے کا نام ہی نہیں لے رہے چند روز قبل جامشورو میں مال بردار ٹرین حادثے کا شکار ہوگئی تھی ، اس حوالے سے ریلوے ذرائع نے بتایا کہ اس مرتبہ حادثہ کوٹری ڈاؤن یارڈ میں پیش آیا، جہاں کوٹری اسٹیشن کے قریب مال بردار ٹرین کی دو بوگیاں پٹری سے اترگئیں، حادثے کے نتیجے میں ڈاؤن یارڈ سے مال بردار ٹرینوں کی آمدورفت معطل کردی گئی ہے ، اس حوالے سے ریلوے ذرائع کا کہنا ہے کہ حادثے کے نتیجے میں تین سو فٹ ٹریک متاثر ہوا، واقعے کے بعد ریلوے کی امدادی ٹیموں نے جائے حادثے پر پہنچ کر امدادی کاموں کا آغاز کردیا ہے۔گذشتہ ماہ کراچی پشاور ریلوے ٹریک پر ایک اور ٹرین کو خوفناک حادثہ پیش آیا، لیکن معجزانہ طور پر اس حادثے میں نہ تباہی مچی نہ ہی کسی قسم کا جانی نقصان ہوا ، میڈیا رپورٹس کے مطابق کراچی سے پشاور جانے والی رحمان بابا ایکسپریس ٹنڈو آدم کے علاقے میں پھاٹک میں پھنسے گیس ٹینکر سے ٹکرا گئی ، حادثے کے نتیجے میں ٹرین کا انجن اور بریک وین تباہ ہوگئی جبکہ پھاٹک میں پھنسے ٹرک کو بھی نقصان پہنچا ۔

اپنا تبصرہ بھیجیں