تین بہنوں نے بیک وقت ایک ہی شخص سے شادی کر لی

اسلام آباد (مانیٹرنگ ڈیسک) تین بہنوں نے بیک وقت ایک ہی شخص سے شادی کر لی، نجی ٹی وی چینل کی رپورٹ کے مطابق افریقہ کے ملک کانگو میں تین بہنوں نے جو ایک ساتھ ہی پیدا ہوئی تھیں، انہوں نے بیک وقت ایک ہی شخص کے ساتھ شادی کرکے سب کو حیرت میں مبتلا کر دیا۔ میڈیا ذرائع کے مطابق لوویزو جس کی عمر بتیس سال ہے نے کانگو کے مشرقی حصے میں شادی کی ایک خصوصی تقریب میں تین بہنوں نادیگے، نتاشا اور نتالی سے بیک وقت شادی کرلی۔ اس بارے میں لوویزو کا کہنا تھا کہ وہ تڑواں بہنوں
ی طرف سے ایک ساتھ شادی کی پیشکش کو نہ ٹھکرا سکے اس وجہ سے انہوں نے تینوں بہنوں سے شادی کا فیصلہ کیا۔ انہوں نے کہا کہ میرے اس فیصلے سے والدین پریشان تھے اور اسی وجہ سے وہ شادی میں بھی شریک نہیں ہوئے، ان کا کہنا تھا کہ مجھے اس بات کی فکر نہیں ہے کہ دوسرے کیا سوچتے ہیں، میں شادی کرکے خوش ہوں یہ ہی کافی ہے۔ دوسری طرف تین بہنوں میں سے ایک نہ بتایا کہ وہ تینوں بچپن سے ہی سب کچھ شیئر کرتی رہی ہیں اسی وجہ سے شوہر کو شیئر کرنا بھی ان کے لئے مشکل کام نہیں تھا۔