لاہور ایئرپورٹ کا مرکزی رن وے ایک سال کیلئے بند کردیا گیا،وجہ کیا بنی، جانئے تفصیلات

لاہور (مانیٹرنگ ڈیسک)علامہ اقبال انٹرنیشنل ایئر پورٹ کا مرکزی رن وے ایک سال کے لیے بند کر دیا گیا۔تفصیلات کے مطابق لاہور ایئر پورٹ کا مرکزی رن وے 36۔آر R کو مرمت کے لیے تما م پروازوں کی لینڈنگ کے لیے بند کر دیا گیا ہے۔سول ایوی ایشن اتھارٹی کا کہنا ہے کہ ایئر پورٹ کے سیکنڈری رن وے 36 ایل کو متبادل کے طور پر استعمال کیا جا رہا ہے، علامہ اقبال انٹرنیشنل ایئر پورٹ کے مرکزی رن وے پر مرمتی کام جاری ہے۔سی اے اے کے مطابق لاہور ایئر پورٹ کے سکینڈری رن وے پر متبادل کے طور پر فلائیٹ آپریشن جاری ہے، ایئر پورٹ حکام کی جانب سے تمام ایئر لائنز

انتظامیہ کو ہدایات بھی جاری کر دی گئیں۔ذرایع کا کہنا ہے کہ سکینڈری رن وے پر آئی ایل ایس کیٹگری 2 سٹم موجود ہے جو طیاروں کو حد نگاہ 700 میٹر تک لینڈنگ میں مدد کرتا ہے، ایئر لائنز کو ہدایت کی گئی ہے کہ مسافروں کی تعداد اور فیول کی مقدار کم سے کم رکھیں۔ایئر پورٹ منیجر کا کہنا ہے کہ موسم سرما کے حوالے سے ملکی و غیر ملکی ایئر لائنز کو شیڈول تبدیل کرنے کی ہدایات جاری کر دی گئی ہیں، تمام ملکی و غیر ملکی ایئر لائنز اگلے ماہ سے ا پنا شیڈول تبدیل کریں گی۔سی اے اے کا کہنا ہے کہ لاہور ایئر پورٹ کا مرکزی رن وے کا مرمتی کام نومبر 2021 تک مکمل کر لیا جائے گا۔