میٹر کا کرایہ 20روپے سے بڑھا کر کتنا کردیا گیا

اسلام آباد(نیوز ڈیسک)اقتصادی رابطہ کمیٹی نے گیس ڈویلپمنٹ سرچارج کے 22 ارب روپے صارفین سے وصول کرنے کی منظوری دے دی جبکہ گیس کے میٹر کا ماہانہ کرایا بھی 20 روپے سے بڑھا کر 40 روپے کر دیا گیا ہے۔اسلام آباد میں مشیر خزانہ حفیظ شیخ کی زیر صدارت ای سی سی کا اجلاس ہوا، جس میں قدرتی گیس کے گھریلو صارفین کیلئے بری خبر ہے کیونکہ ای سی سی نے گیس میٹرز کا رینٹ 20 سے بڑھا کر 40 روپے کر دیا۔

صارفین سے گیس انفراسٹرکچر ڈیویلپمنٹ سیس کے پرانے واجبات بھی وصول کرنے کا فیصلہ کیا گیا ہے۔ جے آئی ڈی سی کے ایک تہائی واجبات بھی وصول کرنے کا فیصلہ کیا گیا، اس مد میں 22 ارب روپے وصول کیئے جائیں گے۔سٹیل ملز ملازمین کیلئے گولڈن ہینڈ شیک پلان منظور کیا گیا ہے، ای سی سی نے گولڈن ہینڈ شیک کیلئے 19 ارب 65 کروڑ روپے فنڈز کی منظوری دیدی۔ سٹیل ملز کے 49 فیصد ملازمین کو گولڈن ہینڈ شیک ملے گا۔