میری ماں کو شوہر عادل نے مارا، راکھی ساونت کا الزام

ممبئی (این این آئی)بھارتی اداکارہ راکھی ساونت نے اپنے شوہر عادل خان درانی سے متعلق کہا ہے کہ ‘میری ماں کو تم نے مارا ہے۔بھارتی میڈیا رپورٹ کے مطابق ایک ویڈیو میں راکھی ساونت نے اپنے شوہر پر والدہ کی سرجری کیلئے رقم ادا نہ کرنے کا الزام لگایا۔ میڈیا سے گفتگو میں راکھی ساونت نے اپنے شوہر عادل درانی پر کئی الزامات عائد کیے اور بتایا کہ وہ مجھے اپنی مبینہ گرل فرینڈ کیلیے چھوڑ گیا ہے۔

راکھی ساونت نے مزید کہا کہ عادل مجھ سے علیحدگی اختیار کرلی ہے اور اپنی مبینہ گرل فرینڈ تنو کے ساتھ رہ رہا ہے۔سوشل میڈیا پر زیر گردش ویڈیو میں بھارتی اداکارہ نے روتے ہوئے انداز میں کہا کہ میری ماں کو تم نے مارا ہے، آج میری ماں کا وقت پر علاج ہوگیا ہوتا تو شاید وہ نہیں مرتی۔اداکارہ ویڈیو کے دوسرے حصے میں بلک بلک کر روتی نظر آرہی ہیں اور کہہ رہی ہیں کہ مجھے کہیں کا نہیں چھوڑا۔راکھی ساونت ساتھ ہی ویڈیو میں آنسو پونچھتے ہوئے کبھی نہ رونے کا عزم کرتی نظر آتی ہیں۔ویڈیو میں ایک موقع پر بھارتی اداکارہ اپنے شوہر کا نام لے کر کہتی ہیں کہ کتنا ستائو گے عادل؟ تم نے اپنی بیوی کو کہیں کا نہیں چھوڑا، رستے پر لے آئے، مجھے کنگال کردیا۔انہوں نے مزید کہا کہ تم جانتے ہو میں نے تمہیں کتنی بار معاف کیا، ساتھ میں بھارت کے عوام سے پوچھنا چاہتی ہوں اب میں کیا کروں؟راکھی ساونت نے ایک اور ویڈیو میں کہا کہ عادل نے بلآخر فیصلہ کرلیا ہے کہ وہ تنو کے ساتھ رہے گا، کل اْس نے مجھے کہہ دیا کہ میں تمہیں چھوڑ کر جارہا ہوں۔