سونامی منحوس ہوتا ہے اور تھوڑی دیر کیلئے ہوتا ہے ، اب اس کے جانے کا وقت ہو چکا، سعد رفیق

لاہور( این این آئی) پاکستان مسلم لیگ (ن) کے رہنما خواجہ سعد رفیق نے کہا ہے کہ نواز شریف اس وقت وطن واپس آئیں گے جب پارٹی ان سے درخواست کرے گی ،ابھی وہ جہاں ہیں انہیں وہیں رہنا چاہیے ،خیبر پختوانخواہ کے بلدیاتی انتخابات میں ووٹ کی طاقت سے تحریک انصاف کی سیاسی تقسیم شروع ہو چکی ہے ۔ میڈیا سے گفتگو کرتے ہوئے انہوں نے کہا کہ کیا نواز شریف نے واپس آکر مظالم کا سامنا ضرور کرنا ہے، جب پارٹی ان سے درخواست کرے گی وہ وطن واپس آ جائیں گے۔

انہوں نے کہا کہ سونامی کچھ وقت کے لئے آیا اب اس کے جانے کا وقت ہوچکا ہے ،سونامی منحوس ہوتا ہے اور تھوڑی دیر کے لیے ہوتا ہے ۔ انہوں نے کہا کہ ہم نے پنجاب میں تمام ضمنی انتخابات جیتے ہیں ، پہلے تو یہ کہا جاتا تھاکہ جس کی حکومت ہوتی ہے ضمنی انتخاب وہی جیتتی ہے ، اب حکومت میں کون ہے ۔ انہوں نے کہا کہ دنیا کو افغانستان کو تنہا نہیں چھوڑنا چاہیے ،او آئی سی اجلاس کے متعلق ایجنڈے پر سوچنا چاہیے تھا ،او آئی سی اجلاس میں کشمیر کا معاملہ بھی ایجنڈے میں شامل کرنا چاہیے تھا۔

اپنا تبصرہ بھیجیں