عابد علی کا مستقبل دائو پر لگ گیا، قومی کرکٹر کی صحت کے حوالے سے انتہائی تشویشناک خبر

کراچی(نیوز ڈیسک)پاکستان کے مایہ ناز ٹیسٹ اوپنر عابد علی میں دل کی بیماری کی تشخیص ہونے کے بعد کرکٹر کا مستقبل داؤ پر لگ گیا۔ 34 سالہ عابد علی کو قائد اعظم ٹرافی کے آخری راؤنڈ میں میچ کے تیسرے دن یو بی ایل گراؤنڈ پر خیبرپختونخوا کے خلاف سینڑل پنجاب کی جانب سے بیٹنگ کے دوران سینے میں تکلیف کی شکایت پر فوری طور پر امراض قلب کے ہسپتال منتقل کیا گیا تھا جہاں ان میں ایکیوٹ کرونری سینڈروم کی تشخیص ہونے پر ماہر امراض قلب نے ان کے

علاج کی نگرانی کی۔دریں اثناء ماہرین امراض قلب کا کہنا ہے کہ عابد علی کو تشخیص ہونے والی بیماری میں دل کی ایک شریان بند ہونے کی صورت میں انجیو گرافی کے بعد براہ راست انجوپلاسٹی بھی ہوتی ہے، اگر تینوں شریانیں بند ہوں یا تو بائی پاس کی ضرورت پڑتی ہے۔ مذکورہ طبی رائے کی روشنی میں عابد علی کا مزید کرکٹ کھیلنا کسی خطرے سے کم نہیں ہوگا۔ اس طرح پاکستانی ٹیم کے ایک بہترین ٹیسٹ کرکٹر سے محروم ہونا قومی کرکٹ کے لیے شدید دھچکہ ہوگا۔

اپنا تبصرہ بھیجیں