معروف گلوکارراحت فتح علی خان کوجنید صفدر کی شادی میں گانا گانے کیلئےکتنے پیسے دیئے جائینگے،حیران کن تفصیلات

لاہور (مانیٹرنگ ڈیسک)سینئرصحافی عارف حمید بھٹی کا کہنا ہے کہ ڈیل ہونے کی دیر ہے، پھر تو نوازشریف پیدل بھی پاکستان آ جائیں گے۔انہوں نے مزید کہا کہ نوازشریف کے نواسے کی شادی ہونے والی ہے۔معروف گلوکار راحت فتح علی خان جنید صفدر کی شادی میں فن کا مظاہرہ کریں گے جس کے لیے انہیں 75 لاکھ روپے ادا کیے جائیں گے۔عارف حمید بھٹی نے تنقید کرتے ہوئے کہا کہ ایک طرف اتنی غربت چھائی ہوئی ہے تو دوسری طرف اتنی مہنگی شادیاں ہو رہی ہیں۔فرسٹ کلاس ٹکٹ دئیے جائیں گے، جہازوں میں لوگ آئیں گے،شادی پر اربوں روپے کے اخراجات آئیں گے۔

عارف حمید بھٹی نے مزید کہا کہ تین بار وزیراعلیٰ رہنے والے سیاستدان بھی مشہور گلوکارہ کے پاس جا کر گانے سنا کرتے تھے۔جب کہ ہمارے تین بار رہنے والے وزیراعظم بھی آج سے چار سال قبل ڈیفینس گئے اور کہا کہ اپنی جوانی کا گانا سنائیں۔واضح رہے کہ مریم نواز کے صاحبزادے جنید صفدر کے دعوت ولیمہ 17 دسمبر کو لاہور میں ہو گی۔ سابق وزیراعظم نوازشریف کے نواسے جنید صفدر اور عائشہ سیف کے ولیمہ کی تقریب جاتی امرا لاہور میں ہوگی ، ولیمے کی تقریب میں خاندان کے افراد شریک ہوں گے جہاں مسلم لیگ ن کے صدر نواز شریف وڈیو لنک کے ذریعے ولیمہ کی تقریب میں شریک ہوں گے ، اس سلسلے میں تیاریاں شروع کردی گئی ہیں ۔یاد رہے کہ سابق وزیراعظم نواز شریف کے نواسے جنید صفدر اور سابق چیئرمین نیب سیف الرحمان کی بیٹی عائشہ سیف کی نکاح کی تقریب رواں برس 22اگست کو لندن میں منعقد ہوئی تھی ، تقریب لندن کے لینسبورو ہوٹل میں ہوئی ، جس میں دلہا اور دلہن کے قریبی دوستوں نے شرکت کی ، تقریب میں سابق وزیراعظم نواز شریف نے بھی شرکت کی تاہم جنید کی والدہ مسلم لیگ ن کی نائب صدر مریم نواز اور والد کیپٹن (ر) صفدر اعوان پاکستان میں ہیں اور ویڈیو لنک کے ذریعے تقریب میں شرکت کی ، نواز شریف اور اسحاق ڈار سمیت کئی قریبی رشتہ داروں نے بھی تقریب میں شرکت کی تھی۔

متعلقہ آرٹیکلز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button