سابق سی ای او پی سی بی وسیم خان کو انگلینڈ کرکٹ بورڈ کا نیا سربراہ بنائے جانےکا امکان

لندن ( نیوز ڈیسک)وسیم خان چئیرمین ای سی بی کے عہدے کیلئے مضبوط امیدوار بن گئے، پاکستان کرکٹ بورڈ کے سابق سی ای او کو انگلش کرکٹ بورڈ کا نیا سربراہ بنائے جانے پر غور جاری۔ تفصیلات کے مطابق پاکستان کرکٹ بورڈ کے سی ای او کے عہدے سے مستعفی ہونے والے وسیم خان کو اب انگلینڈ میں اہم عہدہ ملنے کا امکان پیدا ہو گیا ہے۔برطانوی خبر رساں ادارے کی رپورٹ میں دعویٰ کیا گیا ہے کہ وسیم خان انگلش کرکٹ بورڈ کے نئے چئیرمین بننے کیلئے مضبوط امیدوار ہیں۔این واٹمور کے مستعفی ہونے کے بعد نئے چئیرمین ای سی بی کیلئے مختلف ناموں پر غور ہو رہا ہے،

ان ناموں میں پی سی بی کے سابق سی ای او وسیم خان کا نام بھی شامل ہے، جو ماضی میں بھی انگلش کرکٹ بورڈ سے وابستہ رہ چکے ہیں اور برطانوی شہریت بھی رکھتے ہیں۔واضح رہے کہ انگلینڈ اینڈ ویلز کرکٹ بورڈ کے چئیرمین این واٹمور نے گزشتہ روز اپنے عہدے سے استعفیٰ دے دیا تھا۔ برطانوی میڈیا کے مطابق انگلینڈ کا دورہ پاکستان منسوخ کرنے کے متنازعہ فیصلے کے بعد این واٹمور شدید تنقید کی زد میں تھے، اسی دباو کے باعث انہوں نے اپنے عہدے سے استعفیٰ دے دیا۔ جبکہ نئے چئیرمین ای سی بی کا انتخاب آئندہ چند روز میں ہو جانے کا امکان ہے۔

متعلقہ آرٹیکلز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button