وزیراعظم عمران خان کا ملکی خزانے بھرنے اور ملک کو دوبارہ ترقی کی راہ پر گامزن کرنےکا اعلان

اسلام آباد(نیوز ڈیسک) پاکستان تیزی سے ترقی کرنے والا ملک ہوا کرتا تھا،اپنی آنکھوں سے ملک کو نیچے جاتے ہوئے دیکھا،وزیراعظم عمران خان کا ملکی خزانے بھرنے اور ملک کو دوبارہ ترقی کی راہ پر گامزن کرنےکا اعلان ۔ تفصیلات کے مطابقوزیراعظم عمران خان نے کہاہے کہ ملک کو ترقی کی راہ پر دوبارہ گامزن کرنا چاہتے ہیں ،سب سے پہلے لوگوں کو غربت سے نکالنا ہے، ہماراوژن ہے ملک سے غربت کو ختم کرنا ہے۔انہوں نے کہاکہ پاکستان تیزی سے ترقی کرنے والا ملک ہوا کرتا تھا،اپنی آنکھوں سے ملک کو نیچے جاتے ہوئے دیکھا،ملک کو ترقی کی راہ پر دوبارہ گامزن کرنا چاہتے ہیں۔

وزیراعظم عمران خان نے کہاکہ ملک کا چھوٹا ساطبقہ امیر ترین بن گیا ہے ،40 فیصد ملکی آبادی کو غربت کی لکیر سے نکالنا میرا وژن ہے، ملک کی مجموعی پیداوار میں اضافہ ترجیحات میں شامل ہے ۔وزیراعظم عمران خان نے کہاکہ کچھ لوگوں کے امیر ہونے سے ملک کو قرضے لینے پڑے،پاکستان 20 بار آئی ایم ایف کے پاس جا چکا ہے ،ملک میں ایک چھوٹا طبقہ امیر ترین جبکہ ملک غریب ہوتا گیا۔وزیراعظم عمران خان نے کہاکہ ملک میں انصاف قائم کرنے سے بہت بڑی تبدیلی آئے گی ،قانون کی بالادستی سے ہی ملک میں بڑے پیمانے پر تبدیلی آئے گی ،ماضی میں گھر بنانے کیلئے بینک قرضے نہیں دیتے تھے ،موجودہ حکومت نے ملک میں ہاؤس فناسنگ شروع کی ،ان کاکہناتھا کہ شہروں میں سب سے زیادہ روزگار تعمیرات کے شعبے سے جڑا ہوا ہے ،تعمیراتی شعبے کے فروغ سے معاشی سرگرمیاں بڑھیں گی ،تعمیراتی شعبے کے فروغ سے ملکی دولت میں اضافہ ہوگا،اس کے علاوہ ٹیکس محصولات کا نظام بہتر کرنے کیلئے اصلاحات لا رہے ہیں ۔وزیراعظم نے کہاکہ میرا دوسرا وژن ملکی دولت کو بڑھانا ہے ،صحت کارڈ کے ذریعے مفت علاج کرایا جاسکتا ہے ،کامیاب پاکستان پروگرام بہت جلد لانچ کرنے جا رہے ہیں ،پروگرام کے تحت ہر خاندان کے ایک فرد کوتکنیکی تربیت دی جائے گی ،کامیاب پاکستان پروگرام کے تحت بلا سودقرض فراہم کئے جائیں گے ۔انہوں نے کہاکہ ہاؤسنگ سیکٹر میں بہت بڑا انقلاب آنے والا ہے،کراچی 40 فیصد کچی آبادی بن چکا ہے ،شہروں میں کچی آبادیاں بڑھتی جارہی ہیں۔

اپنا تبصرہ بھیجیں