پاکستان میں کورونا کے کم ہوتے کیسز میں دوبارہ اضافہ ہونے لگا

لاہور (نیوز ڈیسک) پاکستان میں کورونا کیسز اور اموات میں اضافہ ہو رہا ہے۔تفصیلات کے مطابق ملک بھر میں کورونا کی کمی کے بعد زندگی رواں دواں ہے اور معمولات زندگی بحال ہو چکی ہے تاہم گذشتہ چند روز کے برعکس کورونا کیسز اور اموات میں اضافہ ہوا ہے۔نیشنل کمانڈ اینڈآپریشن سنٹر (این سی او سی) نے کورونا وائرس کے حوالے سے تازہ ترین اعداد وشمار جاری کیے ہیں۔نیشنل کمانڈ اینڈ آپریشن سینٹر کے مطابق پاکستان میں کورونا کے 441 نئےکیسزرپورٹ ہوئے اور ملک بھرمیں کوروناایکٹیوکیسزکی تعداد 8ہزار813 رہ گئے ہیں۔ کورونا کیسز کی مجموعی تعداد 2 لاکھ 96 ہزار 590 ہوگئی ہے۔گزشتہ 24 گھنٹےکے دوران کورونا کے 20 ہزار 480 ٹیسٹ کیے گئے اور اب تک مجموعی طور پر 26 لاکھ 62 ہزار

508 ٹیسٹ کیے جا چکے ہیں۔پاکستان کے 735 اسپتالوں میں کورونا مریضوں کےلیے سہولیات ہیں اور اسپتالوں میں کورونا کے مریضوں کیلئے وینٹی لیٹرزکی تعدادایک ہزار920ہے۔ نیشنل کمانڈ اینڈ آپریشن سینٹر کے مطابق اس وقت ایک ہزار88مریض اسپتالوں میں داخل ہیں۔سندھ میں کورونا کیسز کی تعداد ایک لاکھ 29 ہزار 615ہوگئی ہے۔ پنجاب96 ہزار921، خیبرپختونخوا36 ہزار265، بلوچستان12 ہزار899، اسلام آباد15ہزار666، آزاد جموں و کشمیر2 ہزار302 اور گلگت میں2 ہزار922 کیسز رپورٹ ہوئے۔کورونا وائرس کے باعث پنجاب میں 2 ہزار204 اور سندھ میں 2 ہزار409 اموات ہوئی ہیں۔ خیبر پختونخوا ایک ہزار255، اسلام آباد 175، بلوچستان 141، ‏گلگت بلتستان71 اور آزاد کشمیر میں کورونا سے اموات کی تعداد 63 ہے۔

شاید آپ یہ بھی پسند کریں

جواب چھوڑیں

آپ کا ای میل ایڈریس شائع نہیں کیا جائے گا.