شاہین آفریدی ہونے والے سسر کی وکٹ اڑا کر خوشی کا اظہار کرتے ہوئے کیوں رک گئے، سوشل میڈیا صارفین خوشی میں بہت کچھ کہہ گئے

لاہور(نیوز ڈیسک)پاکستان کے معروف فاسٹ باؤلر شاہین آفریدی کی شاہد آفریدی کی بیٹی سے نسبت طے ہونے کی خبریں سوشل میڈیا پر وائرل ہیں۔ ایسے میں شائقین کرکٹ بھی پیچھے نہ رہے، ایک صارف نے سماجی رابطے کی ویب سائٹ ٹوئٹر پر پی ایس ایل کے ایک میچ کی ویڈیو اپ لوڈ کی جس میں شاہین آفریدی نے شاہد آفریدی کی وکٹلی لیکن انہوں نے ہاتھ کھولے جشن منانے لگے لیکن پھر اچانک سر جھکا لیا اور ایسا تاثر دیا کہ اس وکٹ پر جشن نہیں منانا، صارف نے لکھا کہ اب سمجھ آیا کہ شاہین آفریدی نے اپنے ہونےوالے سسر کی وکٹ پر جشن کیوں نہیں منایا تھا، ایک اور صارف نے لکھا کہ مجھے پتہ نہیں کیوں اتنی خوشی ہو رہی ہے، ایک اور صارف نے لکھا کہ زیادہ سیلیبریٹ کرتا تو سسر بیٹی نہ دیتا۔ قومی کرکٹ ٹیم کے فاسٹ بولر شاہین شاہ آفریدی کی سابق کپتان شاہد آفریدی کی بیٹی سے منگنی کی خبر پر شائقین کرکٹ نے خوشی کااظہار کیا۔
شاہین شاہ آفریدی اور شاہد آفریدی کی بیٹی کی منگنی کی خبر کی تصدیق کے بعد شائقین کرکٹ نے سوشل میڈیا کا رْخ کرلیا ہے جہاں وہ دونوں قومی کرکٹرز کو مبارکباد دینا شروع کر دی،اس ضمن میں شاہین شاہ آفریدی گزشتہ رات سے مائیکرو بلاگنگ سائٹ ٹوئٹر پر ٹاپ ٹرینڈنگ کی فہرست میں پہلے نمبر پر موجود ہیں۔ٹوئٹر صارفین ہیش ٹیگ ’شاہین شاہ آفریدی‘ کا استعمال کرتے ہوئے اْنہیں منگنی کی مبارکباد دے رہے ہیں۔ممون الیاس نامی صارف نے اپنے ٹوئٹ میں لکھا کہ یہ بہت اچھی خبر ہے، ہمارے اسٹار نے ہماری لیجنڈ کی بیٹی کے ساتھ منگنی کرلی۔ایک صارف نے اپنے ٹوئٹ میں لکھا کہ اب تک کے سب سے معصوم جوڑے کو بہت مبارک ہوں۔ثناء نامی صارف نے لکھا کہ شاہد آفریدی کی بیٹی ابھیبھی آفریدی ہے، ماشاء اللّہ! کیا قسمت ہے۔ایک صارف نے پاکستان سپْر لیگ کی ویڈیو کلپ شیئر کی، جب شاہین شاہ آفریدی نے شاہد آفریدی کو کلین بولڈ کرنے پر جشن نہیں منایا تھا۔صارف نے مزاحیہ انداز میں لکھا کہ ایسا ہی ہوتا ہے جب آپ کرکٹ لیگ کے میچ میں اپنے سْسر کی وکٹ لیں، شاہد آفریدی کم از کم کہہ سکتے تھے، اچھی بولڈ بیٹا۔علی مرتضیٰ نامی صارف نے شاہد آفریدی کی تصویر شیئر کرتے ہوئے لکھا سب سے خوبصورت سْسر۔
واضح رہے کہ والد شاہین شاہ آفریدی ایاز خان نے کہا کہ بیٹے کیلئے قومی ٹیم کے سابق کپتان شاہد خان آفریدی کی بیٹی کا رشتہ مانگا ہے۔انہوں نے کہا کہ شاہد آفریدی کے خاندان نے رشتہ دینے پر رضا مندی ظاہر کی ہے۔ایاز خان نے کہا کہ شاہین آفریدی کی شاہد آفریدی کی بیٹی کے ساتھ منگنی کی رسم جلد طے پا جائے گی۔والد شاہین شاہ آفریدی نےکہا کہ شاہد آفریدی کے خاندان سے دیرینہ تعلقات ہیں۔دوسری جانب شاہد آفریدی کے اہل خانہ کا کہنا ہے کہ دو سال میں منگنی اور شادی کی تقاریب ایک ساتھ ہوسکتی ہیں۔ذرائع کا کہنا ہے کہ شاہد خان آفریدی سوچ سمجھ کر اس بارے میں باضابطہ اعلان کریں گے۔شاہد آفریدی کے اہل خانہ نے درخواست کی ہے کہ اس حوالے سے قیاس آرائیوں سے گریز کیا جائے۔واضح رہے کہ شاہین آفریدی اور شاہد آفریدی کی بیٹی کی عمریں بیس بیس سال ہیں اور دونوں ہم عمر ہیں۔

متعلقہ آرٹیکلز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button